दिवस तिसरा
बांदा भुईकोट
बांदा भुईकोट आता पोलीस ठाणे झाले आहे. त्यामुळे आत जास्त काही अवशेष दिसत नाही. आत पॉपोलिसांनी ठाणे बांधलं आहे त्यामुळे नवीन बांधकाम दिसते. पण आत मध्ये भुईकोट पाहून देतात. कारण आत मध्ये मंदीर आहे. कोटात मुख्य दरवाजाने प्रवेश करतो त्याचा बुरुज आणि त्याची तटबंदी बहुतेक दुरुस्ती केल्यामुळे चांगल्या अवस्थेत दिसते. कोटाची एकबाजूची तटबंदी चांगली दिसते. नदी बाजूची तटबंदी पडझड झालेली दिसते. अगदी १० मिनिटात भुईकोट बघून झाला.
भुईकोट पाहून तिथेच जवळपास एक मुस्लिम समाधी आहे. समाधी पाहून कोणी मोठा सरदार/सावकाराची असावी वाटते. पाच मिनिटात समाधी पाहून, आम्ही रेडी साठी निघालो.
 |
| बांदा भुईकोट |
 |
| अज्ञाद समाधी |
सिद्धेश्वर मंदिर
बांदा भुईकोट करून आम्ही यशवंत गड साठी रेडीला निघालो.दुपारी ३ वाजता आम्ही सिद्धेश्वर मंदिरात गेलो. इथे मंदिराचा समोर तुळशी वृंदावन जवळ भगवान शिवची चारमुखी प्राचीन भंग झालेली अर्ध मूर्ती आहे त्याचा बाजूला अजून एक गौतम बुध्द सारखी एक भग्न अर्ध मूर्ती आहे. मंदिर किनाऱ्या लगत आहे. त्यामुळे सुदंर निसर्ग पाहायला मिळतो. मंदिरात खाली उतरायचा अगोदर पायऱ्या लागतात त्याचा समोर कातळात छोट्या गुहा अथवा लेणीच्या खोली सारखं काही तरी दिसत. नक्की काय आहे ते कळत नाही. मंदिर पाहून आम्ही भुईकोट पाहायला गेलो.
यशवंतगड/ रेडीचा किल्ला
सव्वा तीन वाजले होते म्हणून आम्ही आधी जेवून घेतले आणि मग भुईकोट पहायला गेलो. भुईकोटाचं डागडुजीचे काम चालू होते. भुईकोटाचे प्रवेश दाराचे डागडुजी केल्यामुळे दरवाजा सुव्यवस्थित दिसतात. डागडुजी केल्यामुळे बुरुज आणि तटबंदी मधील फांजी पूर्णपणे बुजवून टाकलेल्या दिसल्या. तसेच भुईकोट मधील आतील इमारतीच्या खांबाचा जांभ्याचे आकार वर्तुळाकार आणि कलाकृती सारखे होते. तिथे आता सरळ चौकोनी जांभा दगड लावलेले दिसतात. भुईकोटाचा मध्ये इमारत आहे. तसेच भुईकोटचे प्रवेश दार सुंदर दिसतात. बाकी कोटाचा बाजूला झाडेझुडपे जास्त असल्यामुळे बाजूचा परिसर जास्त दिसत नाही. एके ठिकाणी समुंद्राच सुदंर दर्शन होते.
तासभरात आमचा भुईकोट पाहून झाला. पुढे आम्ही रेडीचा गणपतीचे दर्शन घ्यायला गेलो.
रेडी गणपती मंदिर
पाच वाजता आम्ही मंदिरात पोहचलो. १५/२० मिनिटे दर्शन घेऊन वेंगुर्ल्याला पोर्तुगीज वखार पाहायला गेलो.
पोर्तुगिज वखार वेंगुर्ला
रेडी ते वेंगुर्ला अंतर २१.७ किमी होते. संध्याकाळी ६.१० ला वखार जवळ पोहचलो. वखार पाहण्याची वेळ बहुतेक सकाळी ९/९.३ ते संध्याकाळी ६.३० आहे. कारण साडे सहा वाजता गेट लावण्यासाठी तिथे सुरक्षा रक्षक आले. मग आम्ही निघालो.
संध्याकाळी आम्ही मग तिथे राहण्यासाठी हॉटेल बघू लागलो. मे महिना पर्यटक जास्त असल्यामुळे बहुतेक हॉटेल भरले होते. तसेही मला वेंगुर्ल्यात हॉटेल कमीच वाटले. हॉटेल शोधण्यात आमचे दोन एक तास गेले. मग शेवटी एक ८०० रुपये देऊन घरगुती लॉन्ज मध्ये राहिलो. रात्री आम्ही जेवण हि एका खानावळ मध्ये केले.
अशा प्रकारे आमचा चौथा दिवस गेला.
उद्या आमची योजना निवती कोट, सिंधुदुर्ग जलदुर्ग, राजकोट आणि सर्जेकोट पाहण्याचा होता. पण सुरवातीलाच दुसऱ्या दिवशी सोनगडला एक दिवस जादा गेल्यामुळे आम्ही हे दुर्ग न करता पुढचे करायचे ठरवले. कारण हे दुर्ग प्रसिद्ध आहे आणि इथे जाण्यासाठी तुम्हाला गाडीची सोय होते. म्हणून आम्ही पुढचे दुर्ग करायचे ठरवले. पुढील भागात वेताळगड, भगवंतगड, भरतगड आणि आचरा रामेश्वर मंदिर /कोट.
No comments:
Post a Comment